ಬೇಸಿಗೆಯ ಬಿಸಿಲು ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಬಹುತೇಕ ಮನೆಗಳಲ್ಲಿ ಏರ್ ಕಂಡೀಷನರ್ (AC) ಬಳಕೆ ಅನಿವಾರ್ಯವಾಗಿದೆ.ಆದರೆ ಇತ್ತೀಚೆಗೆ ದೆಹಲಿಯಲ್ಲಿ ನಡೆದ ಅಗ್ನಿ ಅವಘಡವು AC ಸುರಕ್ಷತೆ ಕುರಿತು ಜನರಲ್ಲಿ ಆತಂಕ ಮೂಡಿಸಿದೆ.
ಕೆಲವು ಮುನ್ನೆಚ್ಚರಿಕೆ ಕ್ರಮಗಳು
AC ಯಲ್ಲಿ ಬೆಂಕಿ ಕಾಣಿಸಿಕೊಳ್ಳಲು ಪ್ರಮುಖ ಕಾರಣಗಳು
ಧೂಳು ತುಂಬಿದ ಫಿಲ್ಟರ್ಗಳು, ಹಳೆಯ ತಂತಿಗಳು, ಕಳಪೆ ಗುಣಮಟ್ಟದ ಸ್ಪೇರ್ ಪಾರ್ಟ್ಸ್ ಮತ್ತು ವಿದ್ಯುತ್ ಸಮಸ್ಯೆಗಳು ಬೆಂಕಿಗೆ ಕಾರಣವಾಗಬಹುದು.
ವಿಶೇಷವಾಗಿ ಬೇಸಿಗೆಯಲ್ಲಿ AC ಹೆಚ್ಚು ಸಮಯ ಕಾರ್ಯನಿರ್ವಹಿಸುವುದರಿಂದ ಕಂಪ್ರೆಸರ್ ಮೇಲೆ ಹೆಚ್ಚಿನ ಒತ್ತಡ ಉಂಟಾಗುತ್ತದೆ. ಸರಿಯಾದ ಗಾಳಿಯ ಹರಿವು ಇಲ್ಲದಿದ್ದರೆ ಯಂತ್ರದ ಒಳಭಾಗದ ತಾಪಮಾನ ಹೆಚ್ಚಾಗಿ ಅಪಾಯ ಉಂಟಾಗಬಹುದು.
1.ದಿನವಿಡೀ ನಿರಂತರವಾಗಿ AC ಬಳಸಬೇಡಿ
ಬಹಳಷ್ಟು ಜನರು ರಾತ್ರಿ ಇಡೀ ಅಥವಾ ದಿನವಿಡೀ AC ಅನ್ನು ನಿರಂತರವಾಗಿ ಚಾಲನೆಯಲ್ಲಿಡುತ್ತಾರೆ. ಇದು ಕಂಪ್ರೆಸರ್ ಮತ್ತು ಮೋಟಾರ್ ಮೇಲೆ ಹೆಚ್ಚಿನ ಒತ್ತಡ ಉಂಟುಮಾಡುತ್ತದೆ.
2.ವರ್ಷಕ್ಕೆ ಎರಡು ಬಾರಿ ಸರ್ವಿಸಿಂಗ್ ಮಾಡಿಸಿ.
AC ಸುರಕ್ಷತೆಯ ಪ್ರಮುಖ ಅಂಶವೇ ನಿಯಮಿತ ಸರ್ವಿಸಿಂಗ್. ಧೂಳು ಮತ್ತು ಕಸ ತುಂಬಿಕೊಂಡರೆ ಯಂತ್ರ ಹೆಚ್ಚು ಬಿಸಿಯಾಗುತ್ತದೆ.ಸರ್ವಿಸಿಂಗ್ ವೇಳೆ ತಾಂತ್ರಿಕರು ಫಿಲ್ಟರ್, ಕಂಪ್ರೆಸರ್, ಗ್ಯಾಸ್ ಲೆವೆಲ್ ಮತ್ತು ವಿದ್ಯುತ್ ಸಂಪರ್ಕಗಳನ್ನು ಪರಿಶೀಲಿಸುತ್ತಾರೆ.ಇದು ಮುಂಚಿತವಾಗಿಯೇ ಸಮಸ್ಯೆಯನ್ನು ಪತ್ತೆಹಚ್ಚಲು ಸಹಾಯ ಮಾಡುತ್ತದೆ.
3.ಹಳೆಯ ವೈರಿಂಗ್ ದೊಡ್ಡ ಅಪಾಯ
AC ಹೆಚ್ಚಿನ ವಿದ್ಯುತ್ ಬಳಸುವ ಸಾಧನವಾಗಿರುವುದರಿಂದ ಪ್ರತ್ಯೇಕ MCB ಮತ್ತು ಉತ್ತಮ ಗುಣಮಟ್ಟದ ವೈರಿಂಗ್ ವ್ಯವಸ್ಥೆ ಅಗತ್ಯ. ಸಡಿಲ ಸಂಪರ್ಕಗಳು ಅಥವಾ ಹಾನಿಗೊಳಗಾದ ತಂತಿಗಳು ಶಾರ್ಟ್ ಸರ್ಕ್ಯೂಟ್ಗೆ ಕಾರಣವಾಗಬಹುದು.
ಮನೆಯಲ್ಲಿ ಹಳೆಯ ವಿದ್ಯುತ್ ವೈರಿಂಗ್ ಇದ್ದರೆ AC ಬಳಸುವ ಮೊದಲು ಅದನ್ನು ಪರೀಕ್ಷಿಸಿಕೊಳ್ಳುವುದು ಉತ್ತಮ.
4.ವೋಲ್ಟೇಜ್ ಏರಿಳಿತದಿಂದ ಎಚ್ಚರ
ವಿದ್ಯುತ್ ವೋಲ್ಟೇಜ್ ಏರಿಳಿತಗಳು AC ಯ ಎಲೆಕ್ಟ್ರಾನಿಕ್ ಭಾಗಗಳಿಗೆ ಹಾನಿ ಉಂಟುಮಾಡಬಹುದು. ಸ್ಟೆಬಿಲೈಸರ್ ಬಳಕೆ ಯಂತ್ರವನ್ನು ರಕ್ಷಿಸಲು ಸಹಾಯಕವಾಗುತ್ತದೆ.
5.ಅಗ್ಗದ ರಿಪೇರಿ ಮತ್ತು ಸ್ಪೇರ್ ಪಾರ್ಟ್ಸ್ ತಪ್ಪಿಸಿ
ಕಡಿಮೆ ಗುಣಮಟ್ಟದ ಭಾಗಗಳು ಅಥವಾ ಅನುಭವವಿಲ್ಲದ ತಾಂತ್ರಿಕರಿಂದ ಮಾಡಿಸಲಾದ ರಿಪೇರಿ ಭವಿಷ್ಯದಲ್ಲಿ ದೊಡ್ಡ ಸಮಸ್ಯೆಗೆ ಕಾರಣವಾಗಬಹುದು. ಅಧಿಕೃತ ಮತ್ತು ಅನುಭವಿ ತಾಂತ್ರಿಕರ ಸೇವೆ ಪಡೆಯುವುದು ಉತ್ತಮ.
ಈ ಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ
ಸುಟ್ಟ ವಾಸನೆ ಬರುವುದು
ಅಸಾಮಾನ್ಯ ಶಬ್ದಗಳು ಕೇಳಿಸುವುದು
ಸ್ಪಾರ್ಕ್ ಅಥವಾ ಹೊಗೆ ಕಾಣಿಸುವುದು
AC ಸರಿಯಾಗಿ ತಂಪು ಮಾಡದಿರುವುದು
ಗ್ಯಾಸ್ ಲೀಕ್ ಅನುಮಾನವಾಗುವುದು
ಅಗ್ನಿ ಅವಘಡ ಸಂಭವಿಸಿದರೆ ಏನು ಮಾಡಬೇಕು?
ತಕ್ಷಣ ಮುಖ್ಯ ವಿದ್ಯುತ್ ಸ್ವಿಚ್ ಆಫ್ ಮಾಡಿ.
ನೀರನ್ನು ನೇರವಾಗಿ ಸುರಿಯಬೇಡಿ.
ಅಗ್ನಿಶಾಮಕ ಸಾಧನ ಇದ್ದರೆ ಬಳಸಿರಿ.
ತಕ್ಷಣ ಅಗ್ನಿಶಾಮಕ ದಳಕ್ಕೆ ಮಾಹಿತಿ ನೀಡಿ.
ಸ್ವತಃ ರಿಪೇರಿ ಮಾಡಲು ಪ್ರಯತ್ನಿಸಬೇಡಿ.
ಬೇಸಿಗೆಯಲ್ಲಿ AC ಬಳಕೆದಾರರಿಗೆ ಹೆಚ್ಚುವರಿ ಸಲಹೆಗಳು
ಫಿಲ್ಟರ್ಗಳನ್ನು ತಿಂಗಳಿಗೆ ಒಮ್ಮೆ ಸ್ವಚ್ಛಗೊಳಿಸಿ.
ಹೊರಗಿನ ಯೂನಿಟ್ ಸುತ್ತಲೂ ಗಾಳಿಯ ಹರಿವಿಗೆ ಸಾಕಷ್ಟು ಜಾಗ ಬಿಡಿ.
ಒಂದೇ ಪ್ಲಗ್ಗೆ ಹಲವು ಹೆಚ್ಚಿನ ವಿದ್ಯುತ್ ಸಾಧನಗಳನ್ನು ಸಂಪರ್ಕಿಸಬೇಡಿ.
AC ಅನ್ನು ಅತೀ ಕಡಿಮೆ ತಾಪಮಾನದಲ್ಲಿ ನಿರಂತರವಾಗಿ ಬಳಸುವುದನ್ನು ತಪ್ಪಿಸಿ.